Бүгүн Кызыл-Кыя индустриалдык-педагогикалык колледжинин башкы корпусунда 2021-2022-окуу жылында 5 адистик боюнча бүтүрүүчүлөргө диплом тапшыруу аземи өттү. Ага окуу жайдын директору Л.Муратова, директордун орун басары И.Кельдибеков жана окутуучулар, бүтүрүүчүлөр, студенттер катышты.
Анда КИПКтин директору Л.Муратова бүтүрүүчүлөргө каалоо тилектерин айтып, дипломдорду тапшырды.
Эске салсак КИПКте 2021-2022-окуу жылына карата 5 адистиктик боюнча күндүзгү жана сырткы бөлүмдөн 117 бүтүрүүчү ийгиликтүү аяктады. Анын 7 студент артыкчылык дипломуна татыган.
Жалпы бүтүрүүчүлөргө мындан кийинки жашооңорго жалаң ийгиликтерди, жетишкендиктерди жана алган дипломуңар жакшы кызмат кылып беришин көптөн көп каалайбыз!
