ОКУУ ЖЫЛЫ ЖЫЙЫНТЫКТАЛДЫ
Кызыл-Кыя индустриалдык-педагогикалык колледжинде 2022-2023-окуу жылынын жыйынтыгы салтанаты өткөрүлдү. Ага окуу жайдын жетекчилиги, педагогикалык жамааты, ата-энелер жана жалпы студенттер катышты. Директор Л.Муратова салтанатты ачып, баарын окуу жылынын ийгиликтүү жыйынтыкталышы менен куттуктап, бүтүрүүчүлөргө алдыдагы даңгыр жолуна ийгиликтерди каалады.
Окуу жылындагы жетишкендиктер белгиленип, сыйлыктар тапшырылды. Жылдын мыктылары тандалып, "Эң мыкты окутуучу" наамына З.Ташкенбаева, "Мыкты окутуучу" наамына К.Гапурова, Д.Тургунова, "Мыкты куратор" наамына У. Садыковалар таттыктуу болушту. Ал эми студенттердин арасынан да жыл мыктылары тандалып, аларга сыйлыктар, ата-энелерине ыраазычылык каттар ыйгарылды.
